İSLAMOFOBUN İQTİSADİ «QAZANCLARI»
intizar85 Aprel 6, 2008 17:05
Hollandiyalı irqçi islamofob-siyasətçi Geert Vildersin qısametrajlı anti-islam filminin internet efirinə çıxması bütün dünyada kəskin etirazlara səbəb oldu. Özü də ki, bu etirazlar yalnız mənəvi-əxlaqi xarakterli yox, digər çalarlar da əldə etməyə başladı. Belə ki, Hollandiyanın ən iri ticarət partnyorlarından olan Malayziyanın baş naziri Mahathir Məhəmməd Holland mallarının boykot edilməsinə çağırdı.
Elə yalnız Malayziya ilə İndoziya birlikdə – əhalisinin sayı yüz milyonlara çatan çox nəhəng satış bazarıdır. Və işgüzar biznesmenlər bu nəhəng bazarı hansısa faşist siyasətçinin daxili kompleksləri səbəbindən itirməyi heç də istəmirlər.
Belə ki, Hollandiya Sahibkarları Assosiasiyasının sədri Bernard Viyentyes «Het Financieele Dagblad» qəzetinə müsahibəsində açıq şəkildə bəyan etmişdir ki, ölkənin yerli biznesmenləri G.Vildersdən onun filminin nümayiş etdirilməsi ilə əmələ gəlmiş ziyanların maddi kompensasiyanı tələb etmək niyyətindədirlər.
Əlbəttə ki, Niderland məhkəməsinin belə bir qərar qəbul edəcəyi ehtimalı azdır. Lakin, mənəviyyətsız parlament üzvünün hökumətin və ölkənin baş nazirinin şəxsən etdiyi bütün xahişlərə rəğmən hərəkət etdiyini, onun anti-islam «Fitnə» filminin isə özünüifadə azadlığının bütün mümkün sərhədlərini aşmış məzmunu ilə bütün dünya birliyi tərəfindən pislənməsini nəzərə alaraq, qəti şəkildə demək olar ki, müxtəlif formalı narahatçılıqların olması Vildersə zəmanət verilmişdir.
Qeyd etmək lazımdır ki, mənəviyyatsız Geert Vildersin «yaratdığı» «sənət əsərinin» həm Avropa Birliyi və həm də Birləşmiş Millətlər Təşkilatı tərəfindən qazandığı ümumi ikrahedici qiymət fonunda, o, çətin ki, ətrafındakı dünya qarşısında yeni bir «ideya uğrunda əzabkeş» kimi dayanaraq bundan hansısa dividendlər qazana bilsin.
RZA ADİL
“Deyerler” AİN
“Deyerler” AİN